Valzer da vrigogna

歌詞

Ppe ogni pampina ca a fattu nasce ppe ogni lacrima ca a fattu scinne ogni criatura nata e poi morta supra ssa terra pe ogni petra votata a sale ppe ogni guccia ca fa llu mare ppe ogni jatu chi prima o poi adde finire nun truavu cchiu llu lustru a luna è sempre manca ma è truvatu a forza e u curaggiu e ssa vrigogna cantannu te cuntu. Troppu cimentu supra ssi juri cc'è troppu sangu invece de suduri troppe cravatte vucche cusute mmenzu a dui mari u giustu paga ppe llu peccature belli vestuti tutti a culure capu muzzate gente ruinata senza parrare Cuntamu sta vrigogna du giustu ca paga e sse spagna du diunu chi ppe ll'abbuttu poi fa nu trottu e di chianti s'arrenna Tutte le manu su pulite e nette lavate sulu ccu promesse fatte ricchezze untate ma i denari 'ntinnanu intra e sacchette Moranu aggelli invece de cursuni nessunu ha bbistu e supra ssi barcuni su fatti loru nun tte mmiscare chine t'a fa fare Cuntamu sta vrigogna du giustu chi pata e s'arrenna nu jurnu forse sta terra prima trema se 'ncazza e poi s'arribella Ppe ogni pampina ca a fattu nasce ppe ogni lacrima ca a fattu scinne si ne juncimu po tutti quanti putimu vinciare